Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 01. janúar 2018 16:06
Elvar Geir Magnússon
Mike Dean var of fljótur að benda á punktinn
Mike Dean gerði mistök í gær.
Mike Dean gerði mistök í gær.
Mynd: Getty Images
Stuðningsmenn Arsenal voru æfir út í Mike Dean dómara eftir að hann dæmdi West Bromwich Albion vítaspyrnu í viðureign liðanna í gær. Vítið kom seint í leiknum og úr því jafnaði West Brom í 1-1 sem urðu lokatölur.

Dean dæmdi hendi á Calum Chambers. Boltinn fór vissulega í hendi leikmannsins en hendin var ekki viljaverk og leikmaðurinn gerði sig ekki stærri.


„Dean gerði mistök," segir Keith Hackett, fyrrum dómari og núverandi dómarasérfræðingur hjá Telegraph.

„Dean var fljótur að benda á punktinn. Of fljótur að mínu mati. Chambers átti engan möguleika á því að taka hendina í burtu."

Hackett er hlynntur því að taka upp VAR, myndbandsdómgæslu.

„Mér finnst að í svona tilfellum eigi dómararnir að fá tækifæri til að skoða atvikin aftur með myndbandsupptöku."

Sjá einnig:
Wenger brjálaður: Úrvalsdeildin tekst ekki á við vandamálin
Athugasemdir
banner
banner
banner
banner