Birkir Bjarnason er á förum frá Al Arabi í Katar. Hann hefur leikið með félaginu frá því í október, en þá skrifaði hann undir samning þangað til í janúar - sem er nú genginn í garð.
Hans hlutverk var að fylla skarð Arons Einars Gunnarssonar á meðan landsliðsfyrirliðinn var að glíma við meiðsli.
Al Arabi má aðeins spila með þrjá erlenda leikmenn í einu og er því Birkir á förum. Al Arabi þakkaði Birkir fyrir sín störf á Twitter og bauð Aron Einar velkominn til baka.
Nú hefst vinna hjá Birki og teyminu á bak við hann að finna nýtt félag fyrir íslenska landsliðsmanninn.
Heimir Hallgrímsson, fyrrum landsliðsþjálfari, framlengdi í gær samning sinn við Al Arabi til 2021.
Al Arabi er í sjötta sæti í deildinni í Katar, en liðið hefur ekki unnið deildarleik frá því að Aron meiddist 4. október síðastliðinn.
Thank you Birkir 🔴⚪️ pic.twitter.com/ZwyVeQk9pU
— Al-Arabi Sports Club (@alarabi_club) January 1, 2020
Welcome Back Warrior 🔴⚪️💪🏼 pic.twitter.com/sgMG2UjeqA
— Al-Arabi Sports Club (@alarabi_club) January 1, 2020
Athugasemdir