Bournemouth hefur kallað sóknarmanninn Sam Surridge til baka úr láni frá Swansea. Ekki þykir líklegt að hann geti spilað með gegn West Ham í dag, nýársdag.
Surridge er enskur U21 landsliðsmaður sem skoraði sjö mörk í 23 leikjum í öllum keppnum fyrir Swansea.
Hann hefur aðeins spilað tvo leiki fyrir Bournemouth. Í þeim báðum kom hann inn á sem varamaður á síðustu leiktíð. Honum er ætlað að koma inn og skora mörk fyrir Bournemouth.
Bournemouth hefur átt í vandræðum með að skora á þessu tímabili. Liðið hefur aðeins gert 20 mörk í 20 deildarleikjum. Aðeins Crystal Palace og Watford hafa gert færri mörk.
Þetta er áfall fyrir Swansea sem hefur ekki náð að fylgja eftir góðri byrjun í Championship-deildinni. Liðið er núna í níunda sæti deildarinnar.
Talið er að Swansea muni reyna að fá Rhian Brewster á láni frá Liverpool til að fylla í skarð Surridge.
Athugasemdir