Selfyssingurinn Jón Daði Böðvarsson kom ekki við sögu þegar Milwall lagði Luton að velli í Championship-deildinni í dag.

Það var Luton sem náði forystunni í leiknum þegar Sonny Bradley skoraði á 41. mínútu. Staðan var 1-0 fyrir gestina þegar dómarinn flautaði til leikhlés.

Á 69. mínútu jafnaði Tom Bradshaw fyrir Milwall og skoraði Connor Mahoney annað mark Milwall tæpum tíu mínútum síðar. Matt Smith bætti svo við þriðja markinu.

Flottur seinni hálfleikur Milwall sem skilaði þessum sigri og er liðið núna komið upp í sjötta sæti, sem er umpsilssæti. Luton er í næst neðsta sæti með 21 stig.

Jón Daði hefur komið við sögu í 17 leikjum af 26 á þessu tímabili, en hefur ekki enn skorað í deildinni.