Southampton lagði Tottenham að velli í ensku úrvalsdeildinni og var það Danny Ings sem skoraði sigurmarkið í fyrri hálfleik.
Snemma í seinni hálfleiknum urðu stuðningsmenn Southampton bálreiðir þegar liðið fékk ekki vítaspyrnu. Fyrirgjöf frá Ryan Bertrand fór augljóslega í höndina á Toby Alderweireld, varnarmanni Tottenham.
Mike Dean dæmdi ekki og var atvikið skoðað í VAR. Eftir skoðun í VAR var komist að þeirri niðurstöðu að ekki væri um vítaspyrnu að ræða.
Myndband má sjá hérna.
Einar Guðnason, aðstoðarþjálfari Víkings R., furðar sig á ákvörðuninni á Twitter, en VAR hefur ekki gengið sem skyldi á Englandi.
Hvernig gat VAR sleppt því að dæma víti á Tottenham?
— Einar Gudnason (@EinarGudna) January 1, 2020
Athugasemdir