Leikur Brighton og Chelsea í ensku úrvalsdeildinni endaði með 1-1 jafntefli. Jöfnunarmark Brighton var af dýrari gerðinni.
Það var varamaðurinn Alireza Jahanbakhsh sem skoraði með hjólhestaspyrnu.
Svakalegt mark, hans annað mark fyrir félagið. Hann skoraði sitt fyrsta mark í 2-0 sigri á Bournemouth í síðustu viku og lýsti því sem tilfinningaþrunginni stund.
Hann er 25 ára gamall og kom til Brighton frá AZ Alkmaar í Hollandi fyrir síðasta tímabil. Hann var keyptur fyrir það sem var þá metfé, 17 milljónir punda.
Hann skoraði ekki í 24 leikjum á síðasta tímabili, en hefur nú skorað tvö mörk á þessu tímabili.
Hér að neðan má sjá glæsilegt mark hans í dag.
Alireza Jahanbakhsh skoraði flottasta mark áratugarins þegar að hann jafnaði í 1-1 á móti Chelsea. pic.twitter.com/nvPXzYQb4y
— Síminn (@siminn) January 1, 2020
Athugasemdir