Bristol City og Brentford munu ekki eigast við vegna mögulegra smita í leikmannahópi Bristol. Nokkrir leikmenn liðsins greindu frá veikindum í dag og eru einkennin lík einkennum Covid veirunnar.

Leikmenn hefðu verið prófaðir í dag en rannsóknarstofan sem sér um Covid sýni er lokuð á nýársdag. Ákvörðunin um að fresta leiknum er tekin í samráði við Brentford, sem er í öðru sæti deildarinnar. Brentford fær því nokkra auka daga í hvíld fyrir undanúrslitaleik deildabikarsins gegn Tottenham næsta þriðjudagskvöld.

Þá hefur einnig verið ákveðið að fresta viðureign Luton og QPR eftir að smit greindust í röðum Luton. Ekki er hægt að prófa leikmenn við veirunni í dag þar sem flestar rannsóknarstofur eru lokaðar á nýársdag.