Maicon, fyrrum leikmaður Inter Milan og Manchester City, hefur skrifað undir samning við Sona á Ítalíu.
Þessar fréttir koma kannski einhverjum á óvart en Maicon er 39 ára gamall og var síðast hjá Villa Nova Atletico í Brasilíu.
Sona hefur nú tryggt sér þjónustu leikmannsins sem var gríðarlega öflugur í bakverði Inter á sínum tíma.
Maicon vann þrennuna undir Jose Mourinho hjá Inter árið 2010 en hélt síðar til Man City þar sem leikirnir voru fáir.
Maicon er fæddur árið 1981 og á að baki 76 landsleiki fyrir Brasilíu en sá síðasti kom árið 2014.
Athugasemdir