Viðar Örn Kjartansson kom inn í hálfleik er Yeni Malatyaspor tapaði fyrir Denizlispor í tyrkneska boltanum.
Yeni var 1-0 undir í hálfleik og manni færri. Liðið átti skelfilegan leik þar sem aðeins tvær marktilraunir litu dagsins ljós, ein í hvorum hálfleik. Hvorug tilraunin rataði á markrammann.
Þetta var sjötta tap Yeni í röð í deildinni og er liðið rétt fyrir ofan fallsvæðið sem stendur. Viðar Örn á enn eftir að skora fyrir félagið.
Denizlispor 2 - 0 Yeni Malatyaspor
1-0 M. Yumlu ('34)
2-0 M. Barrow ('75)
Rautt spjald: T. Hadebe, Yeni ('45)
Ísak Bergmann Jóhannesson spilaði þá allan leikinn á miðjunni hjá Norrköping í sænska bikarnum.
Norrköping heimsótti Tvååkers sem leikur í sænsku C-deildinni og leiddu gestirnir 0-1 í hálfleik.
Heimamenn sneru þó stöðunni við eftir leikhlé og uppskáru afar óvæntan 2-1 sigur.
Aðeins eitt lið kemst upp úr riðlinum og þarf Norrköping sigur gegn Falkenberg í lokaumferðinni til að komast áfram.
Athugasemdir