KA heimsótti HK í Kórinn og gerði 0-0 jafntefli í fyrstu umferð Pepsí Max-deildar karla.
„ Ég held að þetta hafi verið sanngjörn niðurstaða, við vildum meira en heilt yfir var þetta sanngjarnt. Ég var þokkalega sáttur við varnarleikinn en á síðasta þriðjungnum vorum við ekki að taka réttar ákvarðanir og komum okkur ekki í nógu góðar stöður," sagði Arnar Grétarsson, þjálfari KA manna um leik sinna manna.
„ Ég held að þetta hafi verið sanngjörn niðurstaða, við vildum meira en heilt yfir var þetta sanngjarnt. Ég var þokkalega sáttur við varnarleikinn en á síðasta þriðjungnum vorum við ekki að taka réttar ákvarðanir og komum okkur ekki í nógu góðar stöður," sagði Arnar Grétarsson, þjálfari KA manna um leik sinna manna.
Lestu um leikinn: HK 0 - 0 KA
Steinþór Már Auðunsson var í marki KA í fjarveru Kristijan Jajalo sem er lengi frá eftir að hafa brotnað á úlnlið. Arnar segir að liðið sé að leita að markmanni.
„ Ég heyrði að þetta væru þrír mánuðir svo við erum að skoða hvort við getum fengið nýjan markmann þar sem við erum bara með ungan og efnilegan strák sem er í 3. flokki á bekknum. Stubbur er hrikalega flottur og hélt hreinu í dag og bjargaði meistaralega í dauðafærinu sem HK fékk. Það mætti segja að hann sé ástæðan fyrir að við förum með eitt stig heim í dag."
„Við erum að skoða að fá annað hvort kantmann eða framherja en það er ekki auðhlaupið að því í þessu Covid veseni."
Sagði Arnar að lokum en hann er að leita sér að einum sóknarmanni til viðbótar vegna þess að Elfar Árni er enn frá.
Athugasemdir