Lille heldur bara áfram að vinna sína leiki í frönsku úrvalsdeildinni. Ef þeir vinna þá leiki sem þeir eiga eftir þá verða þeir meistarara.
Í kvöld fékk Lille lið Nice í heimsókn. Burak Yilmaz hefur verið sjóðandi heitur að undanförnu og hann skoraði á 13. mínútu leiksins. Hann kom Lille yfir og staðan var 1-0 í hálfleik.
Snemma í seinni hálfleiknum skoraði Zeki Celik annað mark Lille. Tyrkirnir flottir fyrir toppliðið í kvöld.
Paris Saint-Germain komst á topp frönsku úrvalsdeildarinnar fyrr í dag en Lille er núna búið að endurheimta toppsætið. Lille er með eins stigs forystu á PSG þegar þrjár umferðir eru eftir. Mónakó situr í þriðja sæti og er fimm stigum frá toppnum með leik til góða.
Hvaða lið verður eiginlega franskur meistari þegar upp er staðið?
Athugasemdir