Diego Jóhannesson var í byrjunarliði Real Oviedo á útivelli gegn Almeria í kvöld.
Almeria tók 2-0 forystu í leiknum og var með tveggja marka forystu þegar flautað var til hálfleiks. Oviedo sýndi hins vegar mikinn karakter í seinni hálfleiknum, kom til baka og jafnaði leikinn.
Diego hefur núna byrjað þrjá leiki í röð fyrir Oviedo eftir að hafa fengið fá tækifæri framan af tímabili.
Real Oviedo er í 14. sæti spænsku B-deildarinnar, sex stigum frá fallsæti þegar sex leikir eru eftir.
Diego á íslenskan föður og á að baki þrjá A-landsleiki fyrir Íslandi, en hann spilaði síðasta landsleik sinn 2017. Samningur hans við Oviedo rennur út eftir tímabil.
Athugasemdir