Mynd: Getty Images

Mynd: EPA

Margir bjuggust við því að David Moyes, stjóri West Ham, myndi hvíla lykilmenn fyrir undanúrslitaleik Evrópudeildarinnar gegn Eintracht Frankfurt næsta fimmtudag en það gerir hann ekki.

Moyes gerir fimm breytingar á milli leikja en hvílir aðeins tvo lykilmenn, þá Michail Antonio og Tomas Soucek. Ben Johnson og Alphonse Areola detta einnig úr liðinu ásamt Craig Dawson sem er í leikbanni. Declan Rice og Jarrod Bowen halda sínum sætum í liðinu.

Hamrarnir eru í meiðslavandræðum í vörninni og því virðist sem Aaron Cresswell muni vera við hlið Kurt Zouma í hjarta varnarinnar.

Mikel Arteta gerir þrjár breytingar á liði Arsenal eftir sigur gegn Manchester United í síðustu umferð. Takehiro Tomiyasu er kominn aftur úr meiðslum og byrjar í hægri bakverði í stað Cedric Soares á meðan Rob Holding kemur einnig inn í varnarlínuna fyrir Ben White sem er meiddur.

Síðasta breytingin á liði Arsenal er sú að Emile Smith Rowe byrjar á bekknum og kemur Gabriel Martinelli inn í byrjunarliðið í hans stað.

Arsenal þarf sigur til að endurheimta fjórða sætið af Tottenham.

West Ham: Fabianski, Coufal, Zouma, Cresswell, Fredericks, Noble, Rice, Fornals, Bowen, Benrahma, Lanzini.
Varamenn: Areola, Yarmolenko, Antonio, Vlasic, Diop, Masuaku, Soucek, Kral, Alese.

Arsenal: Ramsdale, Tomiyasu, Holding, Gabriel, Tavares, Elneny, Xhaka, Odegaard, Martinelli, Saka, Nketiah.
Varamenn: Leno, Lacazette, Smith Rowe, Cedric, Pepe, Lokonga, Kirk, Salah-Eddine, Swanson.