Fyrsti leikur dagsins er klukkan 10:30 er Juventus spilar við Venezia á Allianz-leikvanginum. Arnór Sigurðsson og félagar í Venezia fengu nýjan þjálfara á dögunum og spurning hvort honum takist það ómögulega verkefni að halda liðinu uppi. Juventus á meðan er búið að sætta sig við það að liðið er úr titilbaráttunni og ætlar að tryggja Meistaradeildarsæti.

Topplið Milan spilar við Fiorentina klukkan 13:00. Liðið er með tveggja stiga forystu á nágranna þeirra í Inter þegar fjórir leikir eru eftir á meðan Fiorentina er að berjast um Evrópusæti.

Inter heimsækir Udinese klukkan 16:00. Liðið þarf sigur ef það ætlar ekki að stimpla sig úr titilbaráttunni. Roma spilar þá við Bologna. Það er nokkuð ljóst að Meistaradeildardraumurinn er horfinn en Jose Mourinho á enn möguleika á að koma liðinu í Evrópudeildina og það hlýtur að vera markmiðið.

Leikir dagsins:
10:30 Juventus - Venezia
13:00 Empoli - Torino
13:00 Milan - Fiorentina
16:00 Udinese - Inter
18:45 Roma - Bologna