Mynd: EPA

Mynd: EPA

Staðan var markalaus allt þar til á lokakaflanum þegar Rafael Leao kom boltanum í netið eftir hrikaleg mistök hjá Pietro Terracciano á milli stanga Fiorentina. Terracciano misreiknaði sig eitthvað þegar hann senti boltann frá sér og gaf hann beint í lappirnar á Leao.

Milan er því með fimm stiga forystu á nágranna sína í Inter sem eiga leik til góða gegn Udinese í kvöld.

Milan 1 - 0 Fiorentina
1-0 Rafael Leao ('82)

Juventus mætti til leiks í morgun þegar liðið fékk botnlið Venezia í heimsókn og úr varð furðu jafn leikur þar sem Leonardo Bonucci reyndist hetja heimamanna.

Miðvörðurinn skoraði sjaldgæfa tvennu til að tryggja 2-1 sigur Juve sem er öruggt í fjórða sæti, einu stigi eftir Napoli í þriðja. Hvorugt liðið á raunhæfa möguleika á að ná Milan á toppinum.

Empoli og Torino áttust þá einnig við í þýðingarlitlum leik þar sem bæði lið sigla lygnan sjó.

Heimamenn í Empoli leiddu 1-0 þangað til í lokin þegar ótrúlega dramatískur kafli tók við sem sá tvö rauð spjöld og tvær vítaspyrnur.

Torino vann að lokum 1-3 þar sem Andrea Belotti gerði þrennu á síðasta korteri leiksins.

Juventus 2 - 1 Venezia
1-0 Leonardo Bonucci ('7)
1-1 Mattia Aramu ('71)
2-1 Leonardo Bonucci ('76)

Empoli 1 - 3 Torino
1-0 Szymon Zurkowski ('56)
1-1 Andrea Belotti ('79, víti)
1-2 Andrea Belotti ('87, víti)
1-3 Andrea Belotti ('96)
Rautt spjald: Valerio Verre, Empoli ('59)
Rautt spjald: Petar Stojanovic, Empoli ('86)