Víkingar unnu ansi sannfærandi sigur á Keflavík í Bestu deildinni í síðustu viku.
Sigurinn var aldrei í hættu hjá Íslands- og bikarmeisturunum og lokatölur 4-1 í leiknum.
Sigurinn var aldrei í hættu hjá Íslands- og bikarmeisturunum og lokatölur 4-1 í leiknum.
Íþróttafréttamaðurinn Tómas Þór Þórðarson segist aldrei hafa séð eins mikla yfirburði hjá sínum í Víkingum; hann man allavega ekki til þess.
„Ég held ég hafi aldrei séð aðra eins yfirburði hjá Víkingum og ég er líka þá að tala um það þegar við vorum bestir í Lengjudeildinni," sagði Tómas í útvarpsþættinum Fótbolta.net.
„Mér fannst þetta nánast meiri yfirburðir en þegar við unnum Völsung 16-0. Það var reyndar bara fíflerísleikur sem telst ekki með. Yfirburðirnir voru óhugnanlega miklir."
Keflvíkingar eru án stiga eftir þrjá leiki og hafa litið illa út í upphafi móts. Meiðsli hafa verið að stríða þeim.
„Kristall (Máni Ingason) var betri en allir í Keflavíkurliðinu til samans... Keflvíkingarnir höfðu ekki trú til að bjarga lífi sínu," sagði Tómas.
Hægt er að hlusta á alla umræðuna í spilaranum hér fyrir neðan.
Athugasemdir