Það er allt að gerast á Spáni og keppast fjölmiðlar þar um að greina frá því að Carlo Ancelotti sé að taka við Real Madrid.
Einhverjir fjölmiðlar segja Ancelotti nú þegar vera lentan í Madríd og er orðrómurinn orðinn afar hávær.
Talið er að Ancelotti verði kynntur sem nýr þjálfari Real Madrid í vikunni en þetta yrði afar sárt fyrir stuðningsmenn Everton sem hafa margir mikla trú á Ítalanum.
Ancelotti hefur áður starfað hjá Real og vann Meistaradeildina 2014 með Zinedine Zidane sem aðstoðarþjálfara.
Everton er núna orðað við David Moyes, sem gerði frábæra hluti með West Ham á nýliðnu tímabili. Nuno Espirito Santo og Eddie Howe hafa einnig verið nefndir.
Athugasemdir