Arnór Snær Guðmundsson, aðstoðar- og styrktarþjálfari ÍA, og hefur skrifað undir samning við Noregsmeistara Bodö/Glimt og mun starfa sem fitnessþjálfari í akademíu meistaranna.

Þetta kom fram í Innkastinu.

Arnór hefur verið aðstoðarmaður Jóhannesar Karls Guðjónssonar í þjálfarateymi ÍA í Pepsi Max-deildinni.

Arnór er meistaranemi við íþróttafræðideild HR en hann er með BS gráðu í íþróttafræði og hefur síðastliðið ár verið í meistaranámsstöðu í íþróttavísindum hjá HR, sem er kostuð af KSÍ, þar sem hann hefur séð um mælingar á yngri karlalandsliðum Íslands.