Lestu um leikinn: FH 6 -  5 Þór/KA

FH-ingar féllu úr Pepsi Max-deildinni eftir síðasta tímabil en hefur spilað fínan fótbolta í Lengjudeildinni á þessari leiktíð og er nú komið áfram í 8-liða úrslitin.

Það var hörkuleikur í Krikanum í kvöld en staðan var 1-1 eftir venjulegan leiktíma. Ekkert var skorað í framlengingunni en FH hafði sigur í vítakeppninni.

„Ég er svo stolt af liðinu mínu og mér líður ótrúlegavel. Sjúklega gott kvöld hjá okkur og góður leikur," sagði Erna við Fótbolta.net.

Hún segir leikmenn ekki hafa fundið fyrir stressi fyrir leikinn að mæta Pepsi Max-deildarliði.

„Nei, í raun ekki. Við vorum frekar spenntar að fá að máta okkur við eitthvað lið í Pepsi-deildinni. Við vorum búnar að leggja upp hvernig við vildum hafa þetta og fókusa mikið á þennan leik."

„Gríðarlega sátt og við vorum ótrúlega flottar í kvöld. Þetta var skemmtilegur leikur, Þór/KA voru mjög góðar en ég er mjög stolt af liðinu mínu."

Erna segir að liðið hafi leyst vel úr pressunni sem Þór/KA setti á þær og að lokum hafi það verið sturlað að vinna þetta í vítakeppni í Krikanum.

„Nei, en þær áttu kafla í seinni hálfleik þar sem þær settu svolítið mikla pressu á okkur. Ekkert dauðafæri en fannst við leysa úr því og vinna okkur aftur inn í leikinn."

„Það var smá stress en sturlað. Við erum spenntar að fá hvaða lið sem er og vonandi á þessum fallega velli," sagði hún í lokin.