banner
   þri 01. júní 2021 08:45
Elvar Geir Magnússon
Manchester félögin reyna að styrkja sig
Powerade
Gæti Ronaldo snúið aftur á Old Trafford.
Gæti Ronaldo snúið aftur á Old Trafford.
Mynd: Getty Images
Ramos til Man City?
Ramos til Man City?
Mynd: Getty Images
Newcastle hefur áhuga á Billy Gilmour.
Newcastle hefur áhuga á Billy Gilmour.
Mynd: Getty Images
Guendouzi til Marseille?
Guendouzi til Marseille?
Mynd: Getty Images
Ronaldo, Sterling, Kane, Grealish, Ramos, Roberto og fleiri koma við sögu í slúðurpakka dagsins. BBC tók saman.

Manchester United telur að það sé raunhæfur möguleiki á að fá Cristiano Ronaldo (36), sóknarmann Juventus, aftur til félagsins í sumar. (Express)

Manchester City gæti horft í að selja enska vængmanninn Raheem Sterling (26), franska vinstri bakvörðinn Benjamin Mendy (26) og spænska miðvörðinn Aymeric Laporte (27) til að fjármagna kaup á Harry Kane (27), sóknarmanni Tottenham, og Jack Grealish (25), miðjumanni Aston Villa. (Goal)

Möguleg endurkoma Mauricio Pochettino til Tottenham yrði ekki nóg til að sannfæra Kane um að vera áfram hjá Tottenham. (Times)

Pochettino vill snúa aftur til Tottenham en PSG hefur virkjað framlengingarákvæði í samningi hans til að reyna að halda honum. (Mail)

Manchester City gæti boðið að minnsta kosti einn leikmann til Tottenham í tilboði i Kane. Tottenham hefur áhuga á brasilíska sóknarmanninum Gabriel Jesus (24) og hollenska varnarmanninum Nathan Ake (26). (Mail)

Manchester United hefur einnig áhuga á Kane og Grealish og þá gætu félögin einnig barist um Declan Rice (22), miðjumann West Ham og enska landsliðsins. (Mirror)

Pep Guardiola og Manchester City eru að íhuga að bjóða Sergio Ramos (35), varnarmanni Real Madrid og Spánar, tveggja ára samning. (ESPN)

Spænski miðvörðurinn Eric Garcia (20) gerir fimm ára samning við Barcelona þegar samningur hans við Manchester City rennur út í sumar. Garcia var í akademíu Barcelona áður en hann hélt til Englands. (BBC)

Manchester City gæti einnig keypt Sergi Roberto (29), miðjumann Barcelona. (Sport)

Carlo Ancelotti, stjóri Everton, kemur til greina í stjórastarf Real Madrid en hann hefur áður verið í því. (Cadena SER)

Chelsea og AC Milan hafa náð samkomulagi um félagaskipti Fikayo Tomori (23) til ítalska félagsins þar sem varnarmaðurinn var á lánssamningi á nýliðnu tímabili. (Sport Witness)

Sigurinn í Meistaradeildinni virkjaði sjálfkrafa framlengingu á samningi Thomas Tuchel við Chelsea. (The Athletic)

Leicester City leiðir kapphlaupið um franska sóknarmanninn Odsonne Edouard (23) hjá Celtic. (Football Insider)

Newcastle United vill fá enska sóknarmanninn Tammy Abraham (23) og skoska miðjumanninn Billy Gilmour (19) lánaða frá Chelsea. (Northern Echo)

Jurgen Klopp, stjóri Liverpool, býr sig undir að allt að níu leikmenn yfirgefi Anfield í sumar. Þar á meðal eru svissneski miðjumaðurinn Xherdan Shaqiri (29) og belgískí sóknarmaðruinn Divock Origi (26). (Star)



Chelsea og Manchester United eru tilbúin að ganga að 70 milljóna punda verðmiða Real Madrid á franska varnarmanninum Raphael Varane (28). (Defensa Central)

Belginn Eden Hazard (30) hjá Real Madrid útilokar endurkomu í ensku úrvalsdeildina í sumar. (Mail)

Markahrókurinn Robert Lewandowski (32) útilokar ekki að yfirgefa Bayern München. Chelsea, Barcelona og Real Madrid hafa sýnt honum áhuga. (Canal+)

AC Milan vill fá franska sóknarmanninn Olivier Giroud (34) þegar samningur hans við Chelsea rennur út í lok júní. (Goal)

Everton hefur áhuga á að fá Pedro (33), fyrrum vængmann Chelsea sem nú er hjá Roma. (Calciomercato)

Franski miðjumaðurinn Matteo Guendouzi (22) hefur áhuga á að ganga í raðir Marseille ef franska félagið nær samkomulagi við Arsenal. (L'Equipe)

Southampton og Celtic hafa áhuga á Freddie Woodman (24), markverði Newcastle. (Chronicle Live)

Sporting Lissabon hefur áhuga á portúgalska vængbakverðinum Ruben Vinagre (22) hjá Wolves. (Record)

Umboðsmaður Achraf Hakimi (22) og Lautaro Martínez (23), leikmanna Inter, segir að allir leikmenn ítalska félagsins séu fáanlegir fyrir rétt verð. (Mail)

Kevin Phillips, fyrrum sóknarmaður Leicester, telur að Leicester geti ekki stöðvað belgíska miðjumanninn Youri Tielemans (24) í að fara til Liverpool þar sem refirnir komust ekki í Meistaradeildina. (Football Insider)
Athugasemdir
banner
banner
banner
banner