Afturelding og Selfoss eru komin áfram í 8-liða úrslit Mjólkurbikarsins.
Afturelding vann Grindavík 2-0 á Grindavíkurvelli. Sarra Lissy Chontosh kom Aftureldingu yfir á 69. mínútu með góðu skoti úr teignum.
Ragna Guðrún Guðmundsdóttir gulltryggði sigurinn í uppbótartíma er hún lék á hvern varnarmanninn á fætur öðrum áður en hún lagði boltann snyrtilega í netið.
Afturelding komið áfram í 8-liða úrslitin en Selfoss tryggði sig einnig þangað með 3-0 sigri á KR.
Brenna Lovera skoraði fyrsta markið á 13. mínútu. Selfyssingar voru töluvert betri í leiknum og hefðu getað bætt við fleiri mörkum áður en flautað var til hálfleiks en tókst þó ekki að nýta færin.
Hólmfríður Magnúsdóttir gerði annað mark Selfyssinga á 62. mínútu en hún fékk boltann vinstra megin í teignum og skoraði nokkuð örugglega. Bryndís Líf Jónsdóttir gerði svo þriðja markið undir lok leiksins.
Hún fékk sendingu inn fyrir vörnina og afgreiddi boltann framhjá Benedicte Iversen Haland í markinu. Lokatölur 3-0 og Selfoss áfram.
Úrslit og markaskorarar:
KR 0 - 3 Selfoss
0-1 Brenna Lovera ('13 )
0-2 Hólmfríður Magnúsdóttir ('62 )
0-3 Brynja Líf Jónsdóttir ('90 )
Lestu um leikinn
Grindavík 0 - 2 Afturelding
0-1 Sara Lissy Chontosh ('69 )
0-2 Ragna Guðrún Guðmundsdóttir ('91 )
Lestu um leikinn
Athugasemdir