Argentínski þjálfarinn Mauricio Pochettino hefur greint forseta Paris Saint-Germain að hann vilji yfirgefa félagið en franska blaðið Liberation segir frá þessu.
Pochettino tók við PSG fyrr á þessu ári eftir að Thomas Tuchel var látinn taka poka sinn.
Argentínumaðurinn stýrði franska liðinu til sigurs í franska bikarnum en liðið hafnaði í 2. sæti deildarinnar og datt út í undanúrslitum Meistaradeildarinnar.
Pochettino hefur nú lagt fram formlega beiðni til Nasser Al-Khelaifi, forseta Paris Saint-Germain, um að hann vilji fara frá félaginu en hann hefur mikinn áhuga á því að snúa aftur til Tottenham.
Hann á góðar minningar frá Tottenham en hann stýrði liðinu í úrslitaleik Meistaradeildarinnar árið 2019. Pochettino var síðan rekinn aðeins sex mánuðum síðar eftir slakan árangur í ensku úrvalsdeildinni.
Athugasemdir