Gareth Southgate, þjálfari enska landsliðsins, furðaði sig mikið á umfjöllun enskra miðla um stöðu Trent Alexander-Arnold í hópnum en þeir fullyrtu það að hann yrði ekki í lokahópnum sem færi á Evrópumótið.
Alexander-Arnold var valinn í lokahópinn hjá Englendingum í dag en það var búið að greina frá því að hann yrði ekki í hópnum.
Hann hefur verið með stöðugustu bakvörðum heimsins undanfarin ár en það var gert ráð fyrir því að Kieran Trippier og Reece James myndu fara á mótið og Alexander-Arnold yrði skilinn eftir heima.
Þeir voru allir þrír í hópnum en Southgate segir umfjöllunina afar undarlega í ljósi þess að Alexander-Arnold hefur vitað það í nokkrar vikur að hann færi á EM.
„Trent hefur vitað þetta í nokrrar vikur. Ég verð bara að taka því sem þjálfari enska landsliðsins að sumar greinar sem eru skrifaðir hafa ekkert sannleiksgildi en þetta skapar hins vegar smá kvíða fyrir leikmennina," sagði Southgate við ITV.
Athugasemdir