Hinn 27 ára gamli Sterling mun funda með stjórnendum Man City eftir landsleikjagluggann þar sem rætt verður um það hvort hann muni endurnýja samning sinn eða róa á önnur mið.

Núgildandi samningur Sterling við Man City rennur út eftir næsta tímabil.

Sterling, sem er 27 ára, skoraði 17 mörk á tímabilinu sem var að klárast en var ekki í mjög stóru hlutverki eins og sást bersýnilega undir lok tímabilsins þegar hann byrjaði ekki í mikilvægustu leikjunum.

Hann er núna búinn að vera í sjö ár hjá City og gæti hann ákveðið að róa á önnur mið.

Samkvæmt Times, þá eru Evrópumeistarar Real Madrid með nokkuð mikinn áhuga á honum Chelsea er að fylgjast með stöðu hans.