Pólland 2 - 1 Wales
0-1 Jonathan Williams ('52)
1-1 Jakub Kaminski ('72)
2-1 Karol Swiderski ('85)
Pólland byrjar nýtt tímabil í Þjóðadeildinni á sigri gegn Wales eftir að lent undir í upphafi síðari hálfleiks.
Staðan var markalaus eftir jafnan fyrri hálfleik en Jonathan Williams, leikmaður Swindon Town í ensku D-deildinni, kom gestunum frá Wales yfir í upphafi síðari hálfleiks. Williams átti þá skot utan teigs sem Kamil Grabara hefði líklega átt að verja.
Pólverjar voru ekki að skapa sér mikið en náðu að koma inn jöfnunarmarki á 72. mínútu þegar Jakub Kaminski fékk boltann innan vítateigs og skoraði.
Staðan var þá orðin jöfn og litu Pólverjar líklegri til að krækja í sigurinn. Robert Lewandowski fékk boltann innan vítateigs en skot hans fór af tveimur varnarmönnum og barst til Karol Swiderski sem skoraði af stuttu færi.
Niðurstaðan 2-1 sigur Pólverja sem eru með þrjú stig eftir fyrstu umferð í A-deild Þjóðadeildarinnar.
