Iniesta er búinn að leika sinn síðasta landsleik.
Miðjumaðurinn magnaði Andres Iniesta hefur tilkynnt að hann sé hættur í spænska landsliðinu. Hann spilaði sinn síðasta landsleik í dag þegar Spánn tapaði fyrir Rússlandi í vítaspyrnukeppni á Heimsmeistaramótinu í Rússlandi.
Leikurinn endaði 1-1 og fór alla leið í vítakeppni þar sem Igor Akinfeev, markvörður Rússa, var hetjan.
Leikurinn endaði 1-1 og fór alla leið í vítakeppni þar sem Igor Akinfeev, markvörður Rússa, var hetjan.
Iniesta byrjaði á bekknum í dag en kom inn á sem varamaður á 67. mínútu leiksins.
Eftir leikinn greindi hinn 34 ára gamli Iniesta að hann væri búinn að leggja landsliðsskóna á hilluna. „Þetta var minn síðasti leikur fyrir Spán, magnaður tími á enda. Stundum er endirinn ekki eins og þig hafði dreymt hann," sagði Iniesta við Radio Estadio.
Þessi Barcelona goðsögn spilaði 131 landsleik fyrir Spán og skoraði 13 mörk, þar á meðal sigurmarkið í úrslitaleik HM 2010 gegn Hollandi. Iniesta varð tvisvar Evrópumeistari og einu sinni Heimsmeistari með Spáni.
Iniesta yfirgaf Barcelona á dögunum og gekk í raðir Vissel Kobe í Japan.
Athugasemdir
