KR lagði Breiðablik 2-0 í toppslag Pepsí Max-deildarinnar á Meistaravöllum í kvöld. Rúnar Kristinsson, þjálfari KR, var ánægður með vinnslu sinna mann í kvöld.
Lestu um leikinn: KR 2 - 0 Breiðablik
„Við lögðum á okkur mikla vinnu, vörðumst vel, lokuðum svæðum og lokuðum vel á Blikana. Þeir fengu ekki mörg færi en áttu reyndar eitt færi sem Beitir varði frábærlega. Ég er bara ánægður með sigurinn fyrst og fremst."
Alex Freyr Hilmarsson fór útaf meiddur og segir Rúnar að þetta líti alls ekki vel út en þeir voni það besta.
„Þetta lítur ekki vel út, við óttumst það versta en vonum það besta. Þetta lítur ekki vel út og við höfum miklar áhyggjur, við vitum vonandi sem fyrst hvað þetta er. Finnur á ennþá svona 2-3 vikur í að geta æft og spilað á fullu með liðinu, hann er ennþá með verki sem eru að hrjá hann."
Rúnar er ánægður með leikmannahóp KR en segist geta þurft að horfa í kringum sig ef meiðslin hjá Alex eru alvarleg.
Athugasemdir