Franska landsliðið er að ganga í gegnum mikla erfiðleika þessa stundina en liðið hefur ekki unnið í síðustu fjórum leikjum sínum í öllum keppnum.
Franska liðið komst í úrslitaleik Evrópumótsins árið 2016 og vann síðan HM tveimur árum síðar en liðið datt út í 16-liða úrslitum EM í sumar.
Liðið hefur ekki unnið í síðustu fjórum leikjum sínum en það hefur gert fjögur jafntefli í röð.
Þetta hefur ekki gerst síðan árið 2013 þegar liðið vann ekki leik frá mars og fram í september.
Frakkland gerði 1-1 jafntefli við Bosníu og Herzegóvínu í kvöld þar sem Antoine Griezmann gerði eina mark Frakka. Jules Kounde var rekinn af velli fyrir tæklingu á Sead Kolasinac.
Athugasemdir