Granit Xhaka, leikmaður Arsenal á Englandi, er með kórónaveiruna og verður því ekki með Sviss í næstu leikjum.
Xhaka er fyrirliði svissneska landsliðsins en hann greindist með veiruna í dag og var sendur í einangrun eftir að niðurstöður bárust.
Það er því ljóst að hann verður ekki með Sviss gegn Grikklandi í kvöld.
Hann gæti einnig misst af leikjunum gegn Ítalíu og Norður-Írlandi í undankeppni HM en þeir leikir fara fram þann 5. og 8. september næstkomandi.
Xhaka er mikilvægur hlekkur í liði Arsenal sem hefur tapað fyrstu þremur leikjunum í ensku úrvalsdeildinni.
Athugasemdir