Markvörðurinn Rúnar Alex Rúnarsson fór frá Arsenal til Leuven í Belgíu, Ísak Bergmann Jóhannesson fór til FC Kaupmannahafnar og Mikael Neville Anderson gekk í raðir AGF í Danmörku.

Fréttamaður Fótbolta.net spurði hvort það hefði einhver áhrif á undirbúning íslenska liðsins að leikmenn væru að skipta um félag í miðju verkefni.

„Það eina sem truflar er að þegar þeir skrifa undir hjá nýju félagi, að þá þurfa þeir að kaupa ís handa öllum. Það verður nóg af ís næstu dagana," sagði Arnar léttur.

„Það er frábært fyrir strákana að þeir séu að taka þessa skref á sínum ferli. Öll þessi félagaskipti, við getum verið stolt sem knattspyrnuþjóð að sjá okkar leikmenn taka svona skref."