Brasilíski miðjumaðurinn Arthur er búinn í læknisskoðun hjá Liverpool samkvæmt Sky Sports.
Arthur er 26 ára og kemur á eins árs lánssamningi frá Juventus með kaupmöguleika.
Honum hefur ekki tekist að vinna sér inn byrjunarliðssæti hjá Juventus en hann á þó 63 leiki að baki á tveimur árum hjá félaginu.
Arthur var hjá Barcelona í tvö ár áður en hann fór til Juve en þar áður var hann á mála hjá Gremio í heimalandinu.
Hann á 22 landsleiki fyrir Brasilíu og er fenginn til að hjálpa við að leysa gríðarleg meiðslavandræði á miðju Liverpool.
Athugasemdir
