Þetta hefur verið erfitt sumar fyrir Leicester. Eigendurnir eru að reyna rétta fjárhagsstöðuna af og leikmannaglugginn - sem var að klárast - er í algjörum ruslflokki hjá Leicester. Þeir misstu klárlega meira en þeir styrktu sig.

„Ég hef ekki fengið þá hjálp á markaðnum sem ég þurfti á að halda," sagði Rodgers.

„Þetta er ekki sama félag og fyrir tveimur árum. Það er sannleikurinn. Við erum ekki búnir að fá nýja leikmenn inn, fyrir utan einn sem kom mjög seint og hann kom í staðinn fyrir annan leikmann sem fór."

Það verður áhugavert að sjá hvernig málin þróast hjá Leicester. Það var rætt um það í hlaðvarpinu Enski boltinn á dögunum að Rodgers væri líklegur til að segja starfi sínu lausu út af því hvernig sumarglugginn spilaðist. Leicester er á botni deildarinnar og þarf að rífa sig í gang.