AC Milan og Roma mættust í stórleik í ítalska boltanum í dag.

Leikurinn var sýndur beint á SportTV, en þar er ítalski boltinn sýndur í beinni útsendingu á þessu tímabili.

Roma hafði unnið þrjá leiki í röð fyrir þennan leik og þeir vildu ekki að sigurgangan myndi stoppa á San Siro í þessum leik. Staðan var markalaus í hálfleik, en mörkin komu með stuttu millibili í seinni hálfleiknum. Edin Dzeko skoraði fyrst á 72. mínútu og á 77. mínútu skoraði Alessandro Florenzi annað mark, 2-0.

Þannig endaði leikurinn og Roma er núna með 15 stig í fimmta sæti. AC Milan er með 12 stig í sjötta sæti, en talað hefur verið um að pressa sé komin á stjóra Milan, Vincenzo Montella.