Dusan Brkovic mun spila áfram með KA á næsta ári en þessi 32 ára serbneski miðvörður var verulega öflugur með Akureyrarliðinu.
Hann hefur nú gert nýjan samning við Akureyrarliðið.
Hann hefur nú gert nýjan samning við Akureyrarliðið.
Dusan lék 20 leiki í deild og bikar í sumar og gerði í þeim eitt mark en KA liðið fékk næstfæst mörk á sig í Pepsi Max deildinni í sumar og þar munaði heldur betur um framlag Dusans.
Þessi reynslumikli kappi á yfir 150 leiki í Ungverjalandi og varð meðal annars ungverskur meistari árið 2014. Þá á Dusan um 70 leiki í efstu deild í Serbíu en á síðustu leiktíð lék hann 25 leiki og skoraði í þeim 3 mörk fyrir Diósgyöri VTK í Ungverjalandi.
„Það eru ákaflega jákvæðar fréttir að halda Dusan áfram innan okkar herbúða og væntum við áfram mikils af honum á næsta tímabili þar sem KA liðið stefnir á enn stærri hluti," segir á heimasíðu KA.
Dusan var á bekknum í liði ársins í Pepsi Max-deildinni, KA var í Evrópubaráttu á tímabilinu en náði að lokum ekki Evrópusæti.
Dusan verður ekki með í fyrstu leikjum næsta tímabils en hann mun byrja í þriggja leikja banni.
Athugasemdir