Hann hefur verið að fá tækifæri með danska félaginu og gripið það með báðum. Jonas Lössl, sem lék áður í ensku úrvalsdeildinni með Huddersfield, hefur verið fjarverandi og núna er það óvíst hvort Lössl fái sætið sitt til baka.

Frammistaða Elíasar hefur skilað honum í A-landslið Íslands. Dagurinn í gær var mjög góður fyrir hann; hann var valinn í A-landsliðið og svo varði hann vítaspyrnu í tapi gegn Braga í Evrópudeildinni.

Elías, sem er 21 árs gamall, þurfti að taka boltann þrisvar úr marki sínu - í 3-1 tapi - en var samt maður leiksins að mati staðarblaðsins Herning Folkeblad.

„Það er svo sannarlega ekki hægt að kenna honum um mörkin þrjú," segir í einkunnagjöfinni sem má lesa hérna.

Þess má geta að Midtjylland er á toppnum í Danmörku.