Heimild: Vísir
Pablo Punyed.
Pablo Punyed, leikmaður Víkings, var í gær valinn í landsliðshóp El Salvador. Pablo hefur verið frábær með Víkingi í sumar, varð Íslandsmeistari og valinn í lið ársins, og spilar að öllum líkindum með liðinu gegn Vestra í undanúrslitum bikarsins á morgun.
Fari svo að Víkingur sigri Vestra á morgun mun Pablo ekki fá mikla hvíld fyrir bikarúrslitaleikinn.
Fari svo að Víkingur sigri Vestra á morgun mun Pablo ekki fá mikla hvíld fyrir bikarúrslitaleikinn.
El Salvador á fyrir höndum þrjá leiki í undankeppni HM og er sá síðasti á heimavelli gegn Mexíkó þann 13. október. Pablo kæmi ekki heim fyrr en á fimmtudeginum 14. október.
Bikarúrslitaleikurinn fer fram laugardaginn 16. október. Kwame Quee er einnig að fara í landsliðsverkefni með Síerra Leóne.
Pablo hefur þurft að gefa frá sér sæti í landsliðshópi El Salvador eftir að heimsfaraldurinn skall á en nú þarf hann ekki að fara í sóttkví við heimkomu og því bæði einfaldara og öruggara að ferðast.
Fréttin er byggð á grein Vísis.
Athugasemdir
