Vestri á leik gegn Víkingi á Meistaravöllum á morgun. Leikurinn er heimaleikur Vestra en þar sem Olísvöllurinn á Ísafirði er ekki leikfær var leikurinn færður til Reykjavíkur.
Meistaravellir er heimavöllur KR og er mikið undir fyrir KR í leiknum. Ef Víkingur verður bikarmeistari fær KR þriðja og síðasta Evrópusætið. Ef Víkingur verður ekki bikarmeistari fer það lið sem vinnur bikarinn í Evrópukeppni.
Meistaravellir er heimavöllur KR og er mikið undir fyrir KR í leiknum. Ef Víkingur verður bikarmeistari fær KR þriðja og síðasta Evrópusætið. Ef Víkingur verður ekki bikarmeistari fer það lið sem vinnur bikarinn í Evrópukeppni.
Það er því mjög sennilegt að ef einhverjir KR-ingar mæta á sinn heimavöll á morgun að þeir muni styðja Víking í leiknum. Jón Þór Hauksson, þjálfari Vestra, var meðvitaður um þá staðreynd en vonaðist eftir því að Ísfirðingar og aðrir landsmenn, fyrir utan Víkinga að sjálfsögðu, myndu styðja Vestra í leiknum.
Það er önnur athyglisverð staðreynd við leikinn á morgun því aðra umferðina í röð er Vestri að mæta ríkjandi Íslandsmeisturum í bikarnum. Liðið sló út Val í 8-liða úrslitum og var Valur þá ríkjandi meistari. Síðan þá varð Víkingur Íslandsmeistari og spilar leikinn á morgun sem slíkur.
Jón Þór kom inn á þessar staðreyndir í viðtali við Fótbolta.net sem birt var fyrr í dag.
KR, sem lánar ykkur völlinn, á möguleika á Evrópusæti en þarf að treysta á að þið tapið gegn Víkingi
„Já, það er alveg ljóst að KR á mikið undir í þessum leik. Þeri vonast eftir því að við töpum þessum leik eins og allir Víkingar. Ég á von á því að það verði fjölmargir sem verða á móti okkur í þessum leik," sagði Jón Þór.
„Sem betur fer höfum við mjög sterkt bakland og ég geri ráð fyrir því að aðrir landsmenn flykkist á bakvið okkur og styðji okkur í þessum leik gegn Íslandsmeisturunum. Það er áskorun sem við verðum að takast á við."
„Okkur bíður gríðarlega erfitt verkefni og annan bikarleikinn í röð erum við að spila á móti ríkjandi Íslandsmeisturum sem er önnur sturluð staðreynd," sagði Jón Þór í viðtalinu.
Sjá einnig:
Stuðningsmenn Vestra hittast á Rauða Ljóninu fyrir leik
Gunni giskar á bikarinn - Úrslitaleikur og vítaspyrnukeppni
Athugasemdir