Hann kom inn af bekknum í hörkuleik gegn Brighton í kvöld og breytti gangi mála. Bale var skipt inn á 70. mínútu, hann gerði sigurmarkið og var valinn maður leiksins í einkunnagjöf Sky Sports.

„Þetta er frábær tilfinning, það er mjög gott að koma inn af bekknum og skora aftur fyrir Tottenham. Ég vildi bara óska þess að stuðningsmennirnir hefðu verið þarna," sagði Bale.

„Þetta var gott mark fyrir mig en ég var ekki búinn að skora síðan í janúar. Ég hef reyndar bara spilað fimm leiki síðan í janúar en þetta hljómar mikið verra talið í mánuðum.

„Við erum spenntir fyrir samkeppninni sem er framundan. Það er mikið af góðum liðum í kringum okkur og við þurfum að halda fótunum á jörðinni. Við vitum samt vel að við höfum gæðin til að berjast um allt."