Það var James Ward-Prowse sýningin í fyrri hálfleik á Villa Park í dag. Aston Villa fékk Southampton í heimsókn og var staðan 0-3 í hálfleik.

James Ward-Prowse skoraði tvö og lagði upp í fyrri hálfleiknum. Bæði mörkin hans komu úr aukaspyrnum, frábærar spyrnur! Á 58. mínútu bætti Danny Ings við fjórða marki Southampton og staðan ansi vænleg. Mark Ings var glæsilegt eins og mörk Ward-Prowse.

Á 62. mínútu minnkaði Tyrone Mings muninn og í uppbótartíma skoraði Ollie Watkins annað mark Villa eftir að Jack Grealish krækti í vítaspyrnu. Grealish skoraði svo á 96. mínútu og minnkaði muninn í eitt mark en tíminn var á þrotum.

Niðurstaðan 4-3 fyrir Southampton sem er með þrettán stig í þriðja sæti eins og stendur. Aston Villa er með tólf stig í sjötta sæti.