Luka Milivojevic, fyrirliði Crystal Palace, fékk beint rautt spjald í 2-0 tapi gegn Wolves á föstudagskvöldið.
Martin Atkinson dómari virtist vera með fullkomna sjónlínu á atvikinu en flautaði ekki þegar brotið átti sér stað beint fyrir framan hann. Þess í stað var honum sagt að stöðva leikinn og skokka að skjánum til að skoða atvikið með hjálp myndbandstækninnar.
Þar sá hann hversu hættuleg tækling Milivojevic var í raun og gat ekki gert annað en að gefa honum rautt spjald fyrir.
Atvikið er hægt að sjá eftir um 40 sekúndur af myndbandinu hér fyrir neðan.
Milivojevic straujaði Joao Moutinho sem var nýkominn inná og heppinn að geta haldið leik áfram.
Athugasemdir