Ronaldo og Messi.
Síðustu tíu ár hefur enginn fyrir utan Cristiano Ronaldo og Lionel Messi afrekað það að vinna Ballon d'Or gullknöttinn. Þeir eru einu leikmennirnir sem eru enn spilandi sem hafa unnið verðlaunin.
Þessir tveir mögnuðu leikmenn eru báðir í hópi bestu leikmanna sögunnar og er í raun ósanngjarnt fyrir aðra fótboltamenn að vera uppi á sama tíma og þeir!
Þessir tveir mögnuðu leikmenn eru báðir í hópi bestu leikmanna sögunnar og er í raun ósanngjarnt fyrir aðra fótboltamenn að vera uppi á sama tíma og þeir!
Nú þegar árið 2018 er runnið í garð og Ronaldo og Messi eru báðir komnir á fertugsaldurinn er spurning hvort þetta verði árið þar sem nýtt nafn kemst á verðlaunagripinn?
Við erum að sigla inn í HM ár og þar fá menn tækifæri til að láta ljós sitt skína á allra stærsta sviðinu.
Daily Mail setti saman tíu nafna lista yfir menn sem gætu átt stórgott ár og hirt knöttinn.
Neymar (Paris Saint-Germain/Brasilía) - Hefur tekið þriðja sætið á eftir Ronaldo og Messi tvisvar á síðustu þremur árum. Brasilía verður á HM og PSG er líklegt til afreka á árinu.
Kylian Mbappe (Paris Saint-Germain/Frakkland) - Aðeins 19 ára en hefur skotist skuggalega hratt upp á stjörnuhimininn. Hluti af spennandi frönsku landsliði sem fer á HM í sumar.
Harry Kane (Tottenham/England) - Stórkostlegur markaskorari en það vinnur á móti honum að hvorki Tottenham né England eru líkleg til afreka á árinu.
Kevin De Bruyne (Man City/Belgía) - Hjartað í öllu því frábæra sem City hefur verið að gera. Gæti hann orðið fyrsti Belginn til að vinna gullknöttinn?
Eden Hazard (Chelsea/Belgía) - Hefur verið geggjaður fyrir lið og land en þyrfti að eiga bestu mánuði ferilsins til að taka gullknöttinn.
Sergio Ramos (Real Madrid/Spánn) - Enginn varnarmaður hefur unnið verðlaunin síðan Fabio Cannavaro gerði það 2006. Hann þurfti að leiða Ítalíu til sigurs á HM til að afreka það.
Paul Pogba (Manchester United/Frakkland) - Stútfullur af hæfileikum og getur tekið yfir leiki. Ef hann hjálpar Frakklandi að vinna HM er hann mögulegur gullboltahafi.
Antoine Griezmann (Atletico Madrid/Frakkland) - Þriðji Frakkinn á listanum. Frábær leikmaður sem hefur ekki byrjað þetta tímabil nægilega vel og þarf að koma sér í gang.
Toni Kroos (Real Madrid/Þýskaland) - Magnaður leikmaður sem fær ekki alltaf það lof sem hann á skilið í stjörnuprýddu liði Real Madrid. Mun Þýskaland verja heimsmeistaratitilinn og Kroos fá gullknöttinn?
Paulo Dybala (Juventus/Argentína) - Allir sem fylgjast með ítalska boltanum vita hvað Dybala getur. Hann er orðinn 24 ára en verður að fara að skora sitt fyrsta landsliðsmark ef hann ætlar að skáka liðsfélaga sínum í argentínska liðinu!
Athugasemdir
