Cristiano Ronaldo og Lionel Messi voru stjörnurnar í fótboltanum á síðasta áratug. Nýr áratugur er að hefjast og BBC birti lista yfir tíu leikmenn sem gera tilkall til að vera stjarna næsta áratugar.
Kylian Mbappe (PSG) - Margir telja að þessi 21 árs leikmaður muni taka við keflinu af Messi og Ronaldo.
Joao Felix (Atletico Madrid) - Keyptur til Atletico Madrid á 113 milljónir punda í sumar. Tvítug vonarstjarna.
Jadon Sancho (Dortmund) - Hefur slegið í gegn hjá Dortmund. Gæti verið á leið aftur til Englands.
Ansu Fati (Barcelona) - 17 ára og byrjaður að spila með Barcelona. Fleiri orð eru óþörf.
Trent Alexander-Arnold (Liverpool) - 21 árs bakvörður sem er alltaf að verða betri og betri.
Kai Havertz (Bayer Leverkusen) - Tvítugur miðjumaður sem stóru liðin hafa augastað á.
Phil Foden (Manchester City) - 19 ára gamall og alltaf að fá stærra og stærra hlutverk hjá Englandsmeisturunum.
Rodrygo (Real Madrid) - Eldfljótur kantmaður sem verður 19 ára í næstu viku. Strax farinn að vekja athygli með Real Madrid.
Mason Greenwood (Manchester United) - Er byrjaður að skora á fullu með Manchester United, einungis 18 ára.
Ferran Torres (Valencia) - 19 ára en er nú þegar með yfir 50 leiki með aðalliði Valencia.
Dele Alli (Tottenham) - Hefur vakið athygli undanfarin ár. 23 ára og getur ennþá bætt sig.
Athugasemdir
