Úr leik í 4. deild. Lið þar þurfa nú að greiða þátttökugjöld. Ný félög þurfa einnig að greiða nýskráningargjald.
Stjórn KSÍ samþykkti á fundi sínum í desember að taka upp þátttökugjöld í mótum meistaraflokka frá og með núverandi tímabili. Ekki hafa verið þátttökugjöld á Íslandsmótinu undanfarin ár en nú verður breyting á.
Þátttökugjald fyrir meistaraflokka karla og kvenna í Íslandsmóti og/eða bikarkeppni, kr. 100.000.- fyrir hvort lið. (Dæmi: Félag sem er bæði með mfl. karla og kvenna í Íslandsmóti og bikarkeppni greiðir samtals 200.000 í þátttökugjöld)
Fyrir þau félög sem taka eingöngu þátt í bikarkeppninni meistaraflokks er kr. 25.000.- (Dæmi: 50.000 ef félag tekur þátt í bikarkeppni karla og kvenna en ekki Íslandsmóti).
Sérstakt nýskráningargjald kr. 200.000.- til viðbótar við ofangreind þátttökugjöld, er innheimt af þeim félögum sem hefja keppni í fyrsta skipti í Íslandsmótum meistaraflokks (eða eftir 5 ára fjarveru og eru ekki með starfsemi yngri flokka á sínum vegum).
Dæmi: Nýtt félag í meistaraflokki karla greiðir 200.000.- í nýskráningargjald + 100.000.- í þátttökugjald).
Frá árinu 2021 verður tekið upp sérstakt gjald á þau félög sem uppfylla ekki ákvæði vegna fjölda starfandi dómara.
Athugasemdir