Spænska félagið Real Madrid vill fá Ethan Mbappe, 13 ára bróður Kylian Mbappe, til félagsins en Diario greinir frá þessu.
Ethan spilar í dag með Paris Saint-Germain eins og Kylian en hann spilar með U14 ára liði franska félagsins.
Hann þykir afar efnilegur og voru njósnarar Real Madrid heillaðir af honum er þeir sáu hann spila á stóru móti í Miami í Bandaríkjunum.
Madrídingar hafa lengi verið að eltast við Kylian en félagið gæti reynt að fá hann í sumar frá PSG.
Real Madrid gæti þurft að bæta heimsmetið til að fá Kylian en það þykir líklegt að Ethan fari með honum til Spánar.
Athugasemdir