Osimhen, 22 ára, var keyptur frá Lille í sumar fyrir metfé, eða 70 milljónir evra. Hann fór vel af stað með Napoli en meiddist á handlegg og hefur ekki spilað fyrir félagið síðan hann gerði sigurmarkið gegn Bologna 8. nóvember.

Þetta væri ekki frásögu færandi ef ekki fyrir þær sakir að Osimhen hefur líklegast smitast í sinni eigin afmælisveislu nokkrum dögum fyrir áramótin. Upp komst um veisluna eftir að plötusnúðurinn í afmælinu birti myndbönd á samfélagsmiðlum.

Myndböndin voru tekin niður skömmu síðar en þá var skaðinn skeður. Stjórn félagsins er sögð afar ósátt með hegðun sóknarmannsins og getur hann búist við sekt.

Osimhen er partur af öflugu liði Napoli sem situr í fimmta sæti ítölsku deildarinnar, með 25 stig eftir 13 umferðir.