Það gengur ekki mikið upp hjá nýliðum West Brom þessa dagana og tapaði liðið heimaleik gegn Arsenal í kvöld. Liðin mættust á snævi þæktum Hawthorns velli.

Lærisveinar Mikel Arteta spiluðu vel gegn slökum andstæðingum og skoraði Kieran Tierney glæsilegt mark á 23. mínútu. Hann gerði þá frábærlega þar sem hann lék á andstæðing á vinstri kanti og lét svo vaða með hægri.

Fimm mínútum síðar tvöfaldaði Bukayo Saka forystu Arsenal þegar hann kláraði gullfallega sókn af stuttu færi. Glæsileg sókn sem minnti á gamla Arsenal.

Arsenal var betra liðið allan leikinn og skoraði Alexandre Lacazette tvennu Í síðari hálfleik. Hann var óheppinn að setja ekki þrjú en sannfærandi sigur Arsenal staðreynd.

Þetta var þriðji sigur Arsenal í röð og er liðið með 23 stig eftir 17 umferðir. West Brom er áfram í fallsæti með 8 stig.