Það voru nokkur umtöluð atvik sem áttu sér stað í leiknum, þá sérstaklega vítaspyrnudómur Michael Oliver sem varð til þess að Bruno Fernandes gerði sigurmark Rauðu djöflanna af vítapunktinum. Dómurinn var og er afar umdeildur.

Annað atvik átti sér stað í fyrri hálfleik þegar Paul Pogba lá eftir í grasinu með blóð í munni. Hann fékk þá hörku olnbogaskot frá Tyrone Mings beint framan í sig, eins og má sjá hér.

Leikurinn var stöðvaður og hugað að Pogba en ekkert spjald fór á loft.

Seinna atvikið átti sér stað undir lokin þegar Aston Villa leitaði að jöfnunarmarki í stöðunni 2-1. Miðvörðurinn Eric Bailly bjargaði þá marki með frábærum varnarleik þar sem hann lagðist í jörðina til að verja skot Keinan Davis í uppbótartíma. Sjá hér

Liðsfélagarnir fögnuðu Bailly að leikslokum eins og hann hafi skorað sigurmarkið.