Arsenal heimsótti West Bromwich Albion og rúllaði yfir nýliðana. Arsenal skoraði tvö mörk í sitthvorum hálfleik og voru fyrstu tvö mörkin afar glæsileg.
Skoski bakvörðurinn Kieran Tierney gerði fyrsta markið með frábæru einstaklingsframtaki úti á vinstri kanti.
Ungstirnið Bukayo Saka tvöfaldaði forystuna skömmu síðar þegar hann kláraði gullfallega sókn Arsenal af stuttu færi.
Alexandre Lacazette bætti svo tvennu við í síðari hálfleik þar sem hann fylgdi fyrst eftir og skoraði svo eftir góða fyrirgjöf frá Tierney.
Athugasemdir