Norski landsliðsmaðurinn Omar Elabdellaoui verður frá vegna meiðsla næstu vikurnar hið minnsta eftir að hafa lent illa í flugeldi.
Elabdellaoui, sem er varafyrirliði norska landsliðsins, leikur fyrir Galatasaray í Tyrklandi.
Hann brann í framan og skaddaði augu eftir óheppilegt slys heima með fjölskyldunni samkvæmt upplýsingum frá Galatasaray.
Tyrkneskir fjölmiðlar segja að flugeldurinn hafi sprungið í höndum Elabdellaoui. Óljóst er hvort og hvenær hann muni ná fullum bata.
Elabdellaoui er 29 ára gamall og gekk í raðir Man City aðeins 17 ára gamall en spilaði aldrei fyrir aðalliðið. Hann lék 170 leiki fyrir Olympiakos áður en hann skipti yfir til Galatasaray.
Athugasemdir