Það var Mílanóslagur á dagskránni í ítalska kvenna boltanum í dag, AC Milan tók þá á móti Inter.

Berglind Björg Þorvaldsdóttir leikur með AC Milan.

Markalaust var eftir fyrri hálfleikinn en Inter komst yfir með marki Eva Bartonova á 51. mínútu.

Næst var röðin komin að íslensku landsliðskonunni en Berglind jafnaði metin á 69. mínútu. Valentina Giacinti skoraði svo annað mark AC Milan á 78. mínútu og tryggði þar með frábæran sigur í grannaslagnum.

Markið sem Berglind skoraði í dag var það fjórða sem hún skorar fyrir AC Milan í fjórum leikjum.

AC Milan er í 3. sæti deildarinnar með 32 stig, sex stigum á eftir toppliði Juventus.